ChatGPT námskeið
Lærðu að nota gervigreind á hagnýtan og öruggan hátt án þess að týnast í endalausum möguleikum.
Grunnnámskeið
Námskeið þar sem litið er á gervigreindina sem verkfæri til að auka afköst og bæta lífið okkar. Á námskeiðum okkar er farið yfir hvernig ChatGPT og önnur spunagreindartól virka, geta gagnast okkur og hverjar takmarkanir þeirra eru. Einnig er farið í hvernig þau geta stutt við fjölbreytt verkefni og hvernig hver og einn getur aðlagað tólið að sínu starfi.
Framhaldsnámskeið
Framhaldsnámskeið sem fer dýpra í hagnýta notkun gervigreindar. Farið er yfir RAG, erindreka og val á líkönum með áherslu á verklegar æfingar, gagnrýna hugsun og skilning á möguleikum og takmörkunum.
4.000+
Nemendur árið 2025
4,9 / 5
Meðaleinkunn
#1
Vinsælasta námskeið Endurmenntunar frá upphafi
Af hverju þetta námskeið?
Kennsla frá sérfræðingum
Kennsla frá raunverulegum sérfræðingum sem vinna við að innleiða gervigreindarlausnir hjá fyrirtækjum.
Gervigreindarlæsi
Kennt er á ChatGPT en þekkingin yfirfærist á Copilot, Gemini og Claude. Þú munt skilja tæknina betur, takmarkanir hennar og hvernig þú stýrir henni á öruggan hátt.
Blandað fyrirkomulag
Fyrirlestrar og æfingar til skiptis, með nægum tíma fyrir spurningar og aðstoð.
Uppfært námsefni
Reglulegar uppfærslur á námsefni í takt við þróun gervigreindarinnar.
Eftir námskeiðið geturðu
- Notað ChatGPT í þínu starfi og einkalífi.
- Notað helstu tól til að vinna með texta, gögn og myndrænt efni.
- Notað gervigreind án þess að vera í vafa um hvað má m.t.t. persónuverndar og gagnaöryggis.
- Skilið hvernig þú færð sem mest út úr gervigreindinni.
Fyrir hverja?
Fyrir fólk sem vill verða sjálfbjarga í notkun ChatGPT í starfi. Hentar bæði byrjendum og þeim sem eru byrjaðir að nota tæknina og vilja gera meira.
Dagskrá grunnnámskeiðsins
Dagur 1 — Grunnur og samskipti
- ChatGPT frá grunni: viðmót, stillingar og lykilhugtök.
- Gervigreindarlæsi, takmarkanir og gæðamat.
- Hugsunarlíkön og samskipti.
- Fjölbreytt sýnidæmi og æfingar.
Dagur 2 — Tól, gögn og verkefnavinna
- Notkun helstu tóla ChatGPT: myndrænt efni, rödd og vinna með skjöl.
- Greining og framsetning gagna.
- Verklag í stærri verkefnum.
- Verkefni sem krefjast notkunar margra tóla.
Kennarar
Sverrir Heiðar Davíðsson
Forstjóri
Hugbúnaðarverkfræðingur og starfaði þar til nýlega sem leiðtogi í hagnýtingu gervigreindar hjá Orkuveitunni. Sverrir er með M.Sc. í gervigreind og gagnavísindum frá DTU og B.Sc. í hugbúnaðarverkfræði frá HÍ. Hann er með hálfan áratug af reynslu með gervigreind að baki.
sverrir@javelin.isHafðu samband við okkur
Fyrir fyrirspurnir má senda tölvupóst á netfangið hér að neðan.
sverrir@javelin.is